TUT.AZ saytında elanların yerləşdirilməsi İstifadəçi razılaşması ilə tənzimlənir.
Qaydaların pozulması və ya istifadəçilərin elan üzrə çoxsaylı şikayətləri həmin elanların və eyni zamanda elan sahiblərinin şəxsi hesablarının bloklanması ilə nəticələnə bilər.
Nəzərdə saxlayın ki, bütün elanlar onlara əlavə xidmətlərin (Premium,VIP və digər) tətbiq edilib-edilməməsindən asılı olmayaraq qaydalara uyğun olmalıdır. Qaydaların pozulması halında hətta ödənişi həyata keçirilmiş elanlar da blok oluna və ya silinə bilər.
Ticarət platformasının bütün istifadəçiləri üçün bərabər şəraitin təmin edilməsi məqsədilə hər kəs elan yerləşdirməzdən əvvəl TUT.AZ-ın qaydaları ilə tanış olmalıdır.
Elan yerləşdirmə qaydaları və tərkib hissələri
1. Elanın yerləşdirilməsi
1.1 Yerləşdirilmiş elanlar təkrarlanmamalı və saytın qaydalarına zidd olmamalıdır. Elanın aktivlik müddəti 30 gündür. Bu müddət başa çatdıqda elanın dərc olunması avtomatik olaraq dayandırılır və o, "Aktiv olmayanlar" bölməsinə düşür. Bu halda İstifadəçi ya bu elanı bərpa edə, ya da yenisini yerləşdirə bilər.
1.2 Saytda olan elanda məhsul və ya xidmət haqqında məlumat və şəkilləri başqa məhsul və ya xidmətə aid olan məlumat və ya şəkillərə dəyişmək qadağandır.
1.3 Elan yerləşdirərkən əmin olmalısınız ki, elan saytın qaydalarına tam olaraq uyğundur. Elan dərc edildikdən sonra belə administrasiya tərəfindən təkrar yoxlama zamanı qayda pozuntusu aşkar edilərsə, həmin elanlara düzəliş etmək və saytdan silmək hüququnu administrasiya özündə saxlayır.
1.4 Saytda eyni zamanda iki və daha çox təkrar elan aşkar olunarsa, təkrar olan elanlar silinir.
1.5 Hər hansı bir ödənişli xidmət elanı xidmətin tətbiq olunma müddətinə bərpa edir və elanın müddətini uzadır.
2. Şəxsi əlaqə məlumatları
2.1 Şəxsi əlaqə vasitələri düzgün qeyd olunmalıdır: ad, elektron poçt ünvanı, telefon nömrəsi.
22. Elan yerləşdirərkən işlək olan elektron poçt ünvanından və mobil telefon nömrəsindən istifadə etməlisiniz. Bir istifadəçinin (hüquqi və ya fiziki şəxs kimi) yalnız bir istifadəçi hesabı ola bilər. Texniki analiz əsasında bir istifadəçiyə məxsus bir neçə hesab aşkarlandıqda sistem tərəfindən təkrar kimi nəzərə alınacaq və avtomatik ləğv ediləcək və ya bloklanacaq.
İstifadəçilərə istifadəçi hesablarını (istifadəçi hesabına daxil olmaq üçün lazım olan məlumatları) icarəyə vermək/götürmək və ya özgəninkiləşdirmək qadağandır.
2.3 Mütləq şəkildə işlək və özünüzə məxsus telefon nömrəsi göstərin – bu sizin sürətli və uğurlu əməliyyat aparma şansınızı yüksəldəcək.
Telefon nömrəsi müvafiq sətirdə qeyd olunmalıdır. Telefon nömrəsinin elanın başlığında və ya məzmuna qeyd olunması qadağandır.
Nəzərdə saxlayın ki, digər şəxsə narahatlıq yaratmamaq məqsədi ilə başqa bir şəxsin nömrəsini qeyd etmək qadağandır və bu sizin istifadəçi hesabınızın bərpa hüququ olmadan blok olunmasına səbəb olacaq.
Elanda telefon nömrəsi səhv qeyd olunubsa, elan saytdan silinəcək.
İstifadəçi yerləşdirdiyi elanın dəqiqliyinə, tamlığına, onun Azərbaycan Respublikasının qanunvericiliyinə uyğunluğuna, elanda yerləşdirilən məlumatların üçüncü şəxslərin hüquqlarını pozmamasına və onların iddialarından azad olmasına görə məsuliyyət daşıyır.
3. Elanda düzəlişlərin edilməsi
3.1 Elanda düzəliş etmək üçün “DÜZƏLİŞ ET” düyməsini seçmək və düzəliş etmək kifayətdir.
3.2 Elanda düzəliş etməklə onu irəli çəkmiş olmursunuz. Bu funksiya yalnız elandakı şəkil, məzmun və qiymət dəyişiklərini həyata keçirir.
3.3 Elanlar üçün nəzərdə tutulmuş qaydalar “DÜZƏLİŞ ET” funksiyasına da aiddir.
3.4 Elanda edilmiş düzəlişlərqaydalara uyğun deyilsə, həmin düzəlişlər silinir.
4. Təkrar elanlar
4.1 Tamamilə eyni məzmunlu və ya məna baxımından oxşar elanlar;
Nümunə:Sizin “Sumsung Note 9 Ağ” başlıqlı elanınız saytda dərc olunmuşdur. Əgər bu elanın dərc olunduğu andan etibarən 30 gün ərzində saytda eyni rəngli və eyni yaddaşlı Sumsung Note 9modelinin elanı yerləşdirilsə, yeni elan dərc olunmayacaq.
4.2 Müddəti başa çatmadan silinib yeni elan kimi yerləşdirilmiş elanlar;
Nümunə:Sizin “Şinlər “Dunlop” 215/55 R16” başlıqlı elanınız saytda dərc olunmuşdur. Əgər bu elan müddəti başa çatmadan silinsə və saytda markası, modeli, ölçüləri, şəkilləri və qiyməti eyni olan hər hansısa Şinlər “Dunlop” elanı yerləşdirilirsə, yeni elan dərc olunmayacaq.
4.3 Aktiv olan elanla tamamilə eyni məzmunlu və ya məna baxımından oxşar olan bərpa olunmuş elanlar;
Nümunə:Sizin “Fotoaparat “Nikon 1100”” başlıqlı elanınız saytda dərc olunmuşdur. Əgər bu elan aktiv olduğu halda onun təkrarı olan müddəti başa çatmış başqa bir və ya bir neçə elanınızı bərpa etsəniz, bərpa olunan elan saytdan silinəcək.
4.4 Ümumi aktiv elan olduğu halda həmin elanın tərkib hissəsinə daxil olan məhsul və ya xidmətlərdən ibarət ayrı-ayrı yerləşdirilmiş elanlar və əksinə.
Nümunə 1:Sizin “Mənzillərin təmiri” ümümi başlıqlı elanınız saytda dərc olunub. Bu elan aktiv olduğu təqdirdə, sizin ayrı-ayrılıqda göndərdiyiniz döşəmə ustasıvə ya rəngsaz xidmətləri elanlarınız saytda dərc olunmayacaq. Əgər bu tipli elanların ayrı-ayrılıqda dərc olunmasını istəyirsinizsə, saytda aktiv ümumi başlıqlı elanınız mövcud olmamalıdır.
Nümunə 2:Sizin “Mobil nömrələr” adlı ümümi başlıqlı elanınız saytda dərc olunmuşdur. Bu elan aktiv olduğu təqdirdə onun tərkib hissəsinə daxil olan mobil nömrələrin elanları ayrı-ayrılıqda yerləşdirilsə, bu elanlar saytda dərc olunmayacaq. Əgər bu tipli elanların ayrı-ayrılıqda dərc olunmasını istəyirsinizsə, saytda aktiv ümumi başlıqlı elanınız mövcud olmamalıdır.
Təkrar elanların yerləşdirilməsiməhsulun satışını tezləşdirmir, əksinə, satıcılar üçün satış çətinləşir, alıcılar isə təkrarlanan elanlar arasından uyğun təklifi tapmaq üçün çox vaxt sərf etməli olur.
Əgər siz məhsulu satmısınızsa, yaxud təklifiniz artıq qüvvədə deyilsə, satışdan və ya təklif qüvvəsini itirdikdən dərhal sonra elanınızı elanlar siyahısından çıxarın (ləğv edin).
Əgər sizin artıq dərc olunmuş və ya yoxlanış mərhələsində olan elanınızvarsa, bu elanıntəkrarlanmasına yol verməməlisiniz!
5. İki və daha çox istifadəçi hesabı olan istifadəçilər
5.1 Bir fiziki və ya hüquqi şəxs üzrə yalnız bir istifadəçi hesabının yaradılmasına və istifadəsinə icazə verilir. Siz şəxsi kabinetinizə Facebook hesabınız və ya sizə qeydiyyat zamanı verilən login və şifrə vasitəsilə daxil ola bilərsiniz.
5.2 Texniki analizlər bir istifadəçiyə aid olan bir neçə istifadəçi hesablarını aşkar etdikdə bu hesablar sistem tərəfindən təkrar kimi qəbul edilərək avtomatik şəkildə dayandırılır və ya blok edilir;
5.3 İstifadəçilərə istifadəçi hesablarını (istifadəçi hesabına daxil olmaq üçün lazım olan məlumatları) icarəyə vermək/götürmək və ya özgəninkiləşdirmək qadağandır.
5.4 Əgər siz aktiv istifadəçi hesabınızdakı əlaqə məlumatlarını dəyişmək istəyirsinizsə, yeni istifadəçi hesabına ehtiyac yoxdur. Bunun üçün şəxsi kabinetinizə daxil olaraq orada istədiyiniz məlumatlarınızı dəyişdirə və ya düzəliş edə bilərsiniz.
Sayt rəhbərliyi dəyişikliklər etmək hüququnu özündə saxlayır.
6. Yanlış kateqoriyada yerləşdirilən elanlar
6.1 Elanın məhsulun tipinə, təyinatına, özəlliyinə, məqsədinə, elanın başlığındakı adına uyğun olmayan kateqoriyada yerləşdirilməsi və/və ya məzmununda saytın istifadəçilərində anlaşılmazlıq yarada biləcək digər məlumatların yerləşdirilməsi qadağandır.
6.2 Elanla bağlı düzgün məlumatlar yerləşdirin. Elandakı bütün məlumatlar həqiqəti əks etdirməlidir.
Elanınızın məzmununa maksimum ən uyğun kateqoriya, tip, görünüşü seçin – bu onun həm potensial müştərilər, həm də axtarış sistemləri tərəfindən tapılması şansını yüksəldir.
6.3 Elanın yanlış kateqoriyada və ya bölmədə yerləşdirilməsi onun silinməsinə və ya daha uyğun kateqoriya və ya bölməyə köçürülməsinə səbəb ola bilər.
7. Başlıq
Elanın başlığı qısa, təqdim olunan məhsul və xidmətlərə uyğun vəmünasib olmalıdır. Başlıq – potensial müştərinin diqqətinə çatdırılan ilk şeydir. Çalışın ki, onu dəqiq və qısa edəsiniz (maksimum simvol sayı: 100).
Başlıqda yol verilmir:
7.1 Bütünlüklə və ya ayrı-ayrı sözlərdə baş hərflər (abreviaturalar (ixtisarlar) istisna olmaqla);
Düzgündür: Yataq otağı mebeli
Qadağandır: YATAQ OTAĞI MEBELİ
Düzgündür: Xiaomi Redmi Note 9
Qadağandır: XİAOMİ Redmi Note 9
7.2 Əlaqə məlumatları (telefon nömrəsi, elektron poçt ünvanı, sayt ünvanı);
Düzgündür: Uşaq geyimi
Qadağandır: Uşaqgeyimi, 000-00-00 nömrəsinə zəng edin
Düzgündür: Divan və kreslo
Qadağandır: Divan və kreslo, [email protected] yazın
Düzgündür: Avtomobil oturacaq üzlüyü
Qadağandır: Avtomobil oturacaq üzlüyü oturacaguzluyu.az
7.3 Qeyri-hərf simvollar (*^@<>), həmçinin, çoxlu sayda nida (!!!) və ya sual (??) işarələri;
Düzgündür: Sərinkeş
Qadağandır: <!!**Sərinkeş!!**>
7.4 Təkrarlanan açar söz və ifadələrin (teqlər) yığımı. Axtarış sistemləri onları spam kimi qəbul edə və indeksləşdirməyə bilər və bu da reklamınızın axtarış nəticələrində çıxmamasına səbəb olar;
Düzgündür: Təmizlik xidməti
Qadağandır: Təmizlik xidməti göstərirəm. Təmizlik xidməti Bakı. Təmizlik xidməti etmək Bakıda.
8. Məbləğ və ödəniş
8.1 Elanda Məbləğ parametrini təyin etmək bu parametrin nəzərdə tutulduğu kateqoriyalarda məcburidir. Elanda məhsulun real bazar qiymətinə uyğun olan qiymət qeyd olunmalıdır.
Nümünə:Siz, real bazar qiyməti 5000-6000 AZN olan, və, heç biri texniki və ya fiziki nasazlığı olmayan məhsulun qiymətini real olmayan 500 AZN kimi qeyd etsəniz, bu elan saytda dərc olunmayacaq.
8.2 Nəzərdə saxlayın ki, məbləğin şərti olaraq göstərilməsi (məsələn, 1 AZN, 111AZN və s.) qadağandır və sizin elanınızın silinməsi üçün əsas ola bilər. Məbləğ yalnız manatla göstərilməlidir.
8.3 Mağazaların, şirkətlərin adından və şəxsi elan yerləşdirən istifadəçilərə öz balanslarından, bank kartlarından və ödəniş terminallarından ödəniş etmək imkanı yaradılır.
8.4 Tut.az hesabınıza etdiyiniz mədaxil məbləğ geri qaytarılmır.
9. Elanın təsviri (xarakteristikası)
9.1 Potensial müştərilər daim açar sözlər vasitəsilə konkret məhsulu axtarırlar. Bu səbəbdən bir yerləşdirmədə ona aid qiymət və şəkillə birlikdə yalnız bir məhsulun (predmetin, obyektin) göstərilməsi çox vacibdir.
9.2 Təsvir hissəsində müxtəlif kateqoriyalara və bölmələrə aid olan bir neçə məhsulun qeyd olunmasına yol verilmir. Məsələn, bir elanda eyni anda mebel və televizor, don və çanta, noutbuk və telefon və s. Məhsulların yerləşdirilməsi qadağandır.
9.3 Təsvir tam şəkildə başlığa və təklif olunan məhsula/xidmətə uyğun olmalıdır. Bir elanda yalnız bir məhsulun, predmetin və ya xidmətin təsvirinə icazə verilir.Mətnin ilk 2-3 sətri elanınızın ən cəlbedici hissəsi olmalıdır, çünki ilk gözə çarpan başlıq və elanın mətninin ilk cümləsidir. Qrammatik cəhətdən düzgün və diqqətlə yazın, yazı səhvlərinə yol verməyin, fikirlərinizi dəqiq ifadə edin.
9.4 Məhsulun bütün detalları, xüsusiyyətləri və xarakteristikaları təsvirdə göstərilməlidir. Təsvir əvəzinə məhsul haqqında müştərinin daha ətraflı tanış olması üçün yalnız keçid linki yerləşdirməyin. Heç də bütün istifadəçilərin məhsul haqqında daha ətraflı oxumaq üçün tanınmayan bir keçid linkinə daxil olmağa vaxtı və marağı olmur. Keçid linkinin yerləşdirilməsinə yalnız məhsulun və ya xidmətin təsviri barədə daha ətraflı məlumat vermək üçün yol verilir. Həmçinin, rəqib servislərə keçid linkləri də qadağandır.
9.5 Dəqiq olmayan və ya yanlış məlumatın göstərilməsi, həmçinin, məhsulların qüsurlarının gizlədilməsi elanın silinməsinə səbəb ola bilər.
9.6 Məzmun və məna baxımından təkrar olan elanların yerləşdirilməsi qadağandır. Transliterasiyaya – rus dilindəki sözlərin latın hərfləri ilə yazılmasına yol verilmir.
9.7 Nəzərdə saxlayın:Təsvirdə telefon nömrəsinin, elektron poçt ünvanının, Skype, Instagram, Facebook və digər sosial şəbəkələrdəki hesabların linklərinin göstərilməsi qadağandır. Telefon nömrəsi və elektron poçt ünvanı üçün xüsusi sətir mövcuddur.
10. Şəkil
10.1 Elanınıza mütləq şəkil əlavə edin. Nəzərə çarpmayan şəkillərin yer aldığı analoji elanlardan fərqli olaraq məhsulun keyfiyyətli, dəqiq və real şəklini görən müştəri sizin təklifinizlə daha çox maraqlanacaq.
10.2 Şəkillər keyfiyyətli olmalıdır.
10.3 Şəkillərdə TUT.AZ loqotipi və ya hər hansı başqa bir loqotip olmamalıdır.
10.4 Şəkillərdə reklam xarakterli məlumat olmamalıdır. Eləcə də, hər hansı əlaqə vasitəsinin (mobil nömrə, sayta keçid linki, Skype, ICQ, sosial şəbəkə ID-ləri, digər messencerlərin və oxşar şəbəkələrin ID-ləri, həmçinin, rəqib servislərin loqotiplərinin) göstərilməsi qadağandır.
10.5 Məhsulu/xidməti təsvir edən şəkil başlığa və elanın mətninə uyğun olmalıdır. Şəkildə yalnız təklif olunan obyekt nümayiş etdirilməlidir.
10.6 Təsvir edilən obyektin aydın seçilmədiyi, keyfiyyətsiz şəklin əlavə edilməsinə yol verilmir. Həmçinin, erotik və pornoqrafik tərkibli şəkillərin yerləşdirilməsi qadağandır.
10.7 Stokdan götürülmüş bütün hazır fotolar, arxa fonunda mağaza vitrinləri görünən, internetdən götürülmüş və ya kataloqlardan skan edilmiş, bir sözlə, satılan real məhsulla heç bir əlaqəsi olmayan fotoşəkillər ciddi şəkildə araşdırılacaq və dərc olunmaya bilər. Bir sıra kateqoriya və bölmələr üçün real şəkillərin olması mütləqdir:
Nəqliyyat(Nəqliyyat vasitəsi Azərbaycan Respublikası ərazisində çəkilməlidir);
Daşınmaz əmlak(bütün kateqoriya üçün);
Heyvanlar(bütün kateqoriya üçün);
Şəxsi əşyalar(yalnız Geyim və ayaqqabılarbölməsi üçün).
11. Qara siyahı
11.1 Operatora və ya moderatora qarşı hörmətsizlik etdikdə istifadəçinin əlaqə vasitələri blok olunacaq və o, Tut.az saytında elan yerləşdirə bilməyəcək.
11.2 Saytın qaydalarını ilk dəfə pozduğu halda istifadəçiyə xəbərdarlıq edilir, bu hal təkrarlandıqda isə o, qara siyahıya düşür.
11.3 Əlaqə vasitələrinin qara siyahıdan çıxarılması mümkün deyil.
11.4 Üçüncü şəxslərin əlaqə vasitələri qeyd edildikdə və həmin səxslər şikayət etdikdə bu əlaqə vasitələri qara siyahıya düşür.
12. Mağazalar və Şirkətlər
12.1 Yuxarıda qeyd olunan qaydaların hər biri “Mağazalar” və "Şirkətlər" bölməsi üçün də keçərlidir.
12.2 Mağazaların və şirkətlərin adından elan yerləşdirən istifadəçilər öz səhifələrində yalnız qeydiyyatdan keçdikləri fəaliyyət sahəsinə uyğun elanlar yerləşdirə bilərlər.
12.3 Xəbərdarlığa baxmayaraq qaydalar yenidən pozularsa, elanlar ödənişli olsa belə saytdan silinəcək. Bu halda ödənilən pul geri qaytarılmır.
12.4 Tut.az saytının aministrasiyası saytın qaydalarının bilərəkdən pozulması halları zamanı müqaviləni ləğv etmək hüququnu özündə saxlayır. Bu halda ödənilən pul geri qaytarılmır.
12.5 Mağazaların və şirkətlərin adından elan yerləşdirən istifadəçilər fəaliyyat sahələrinə aid olan elanları yalnız öz səhifələrində yerləşdirə bilərlər. Bu məqsədlə yeni istifadəçi hesablarının yaradılması və ya bu tip elanların anonim formada yerləşdirilməsi yolverilməzdir.
13. Vakansiyaların və Agentliklərin əlavə edilməsi
İş haqqında ətraflı məlumat qeyd olunmalıdır.
İş yerinin ünvanı (küçə, rayon, metro) qeyd olunmalıdır.
Namizəd üçün iş qrafiki, işin təsviri, vəzifə və tələblər qeyd edilməlidir.
Elanda birdən çox vakansiya qeyd etmək qadağandı.
Aylıq əmək haqqı göstərilməlidir (gündəlik əmək haqqının göstərilməsinə icazə verilmir).
Fiziki şəxs 30 gün ərzində yalnız 5 təkrarlanmayan vakansiya əlavə edə bilər, daha çox vakansiya yerləşdirmək üçün Agentlik qeydiyyatdan keçirmək tələb olunur.
Şirkətin rəsmi hüquqi adı göstərilməlidir.
Korporativ elektron poçt ünvanı və telefon nömrəsi qeyd olunmalıdır.
Şirkətin loqosu yüklənməlidir.
Şirkətin faktiki ünvanı qeyd olunmalıdır (küçə, ev, mərtəbə, ofis və s.).
Əgər işədüzəltmə agentliyi əlavə edilirsə, o zaman şirkətin təsvirində VÖEN qeyd olunmalıdır.
Əgər elan işədüzəltmə şirkəti adından dərc olunursa, o zaman elanın təsvirində şərtlər və namizədlərdən tutulan faizlər qeyd olunmalıdır.
14. Texniki dəstək xidməti
14.1 Texniki dəstək xidmətinin telefonları bazar ertəsindən cümə gününədək, saat 09:00-dan 18:00-a qədər, şənbə günü isə saat 10:00-dan 14:00-a qədər işləyir.
14.2 Texniki dəstək xidmətinə müraciət etdikdə mütləq elan nömrəsi qeyd olunmalıdır.
15. Qadağan olunmuş məhsul və xidmətlər
15.1 Tut.az saytında Azərbaycan Respublikası ərazisində satışı və dövriyyəsi qadağan olunmuş məhsulların/xidmətlərin yerləşdirilməsi qadağandır. Elanda (başlıq, mətn, video) və ya istifadəçi adında erotik, pornoqrafik, ədəbsiz, ekstremist və ya Tut.az saytının tələblərinə cavab verməyən digər məzmun və anlayışların istifadəsi yolverilməzdir.
15.2 Elanı yalnız konkret məhsul və xidmətlər barəsində verin – ümumi reklam xarakterli və ya konkret təklif irəli sürməyən elanlar yolverilməzdir. Həmçinin, məhsulların hərrac yolu ilə satılması və hərracların reklam edilməsi qadağandır.
15.3 Reklam xarakterli məlumatların, həmçinin aşağıdakı tip tanıtım reklamlarının yer aldığı elanlar qadağandır:
— internet resursları (portallar, forumlar, tanışlıq saytları və s.);
— biznes (mağazalar, şirkətlər) və məhsul çeşidlərinin, xidmətlərin və qiymətlərin sadalanması.
15.4 Şübhəli gəlir əldə etmə üsulları, o cümlədən, internet üzərindən olan üsullar barədə elanların yerləşdirilməsi yolverilməzdir.
Məsələn: Qeyd olunan sayta daxil olun və 5 AZN ödəniş edin, daha çox gəlir əldə edin.
15.5 İcazəsiz və istifadə hüququ olmadan tanınmış brendlərin loqolarının və ticarət nişanlarının elanda və ya istifadəçi adında istifadə edilməsi qadağandır.
Yuxarıda qeyd olunan Qaydalardan hər hansı birinin pozulması elanın silinməsi üçün əsas ola bilər. (müvəqqəti olaraq – redaktə etmək imkanı olmaqla, həmçinin qəti olaraq – bərpa etmək hüququ olmadan).
Yuxarıda qeyd olunan Qaydalardan hər hansı birinin pozulması, həmçinin digər istifadəçilərin çoxsaylı müraciəti istifadəçi hesabının bloklanması ilə nəticələnə bilər.
Qaydalar, ödənişli xidmətlərin göstərilib-göstərilməməsindən (VİP, Premium və s.) asılı olmayaraq, BÜTÜN elanlara şamil olunur. Qayda pozuntularına yol verilibsə, haqqı ödənilmiş elanlar da ləğv edilə bilər.
Əgər xidmət artıq göstərilibsə, ödənişli xidmətlərə görə edilən ödəniş geri ÖDƏNİLMİR. Həmçinin, xidmətin göstərilməsinin başlama vaxtı daha sonraya/əvvələ dəyişdirilmir, xidmət başqa elana keçirilə bilməz.
Hər bir dərc olunmamış elana görə istifadəçinin elanı yerləşdirərkən göstərdiyi elektron poçt ünvanına elanın silinməsinin səbəbini izah edən avtomatik servis bildirişi göndərilir.
TUT.AZ saytının Rəhbərliyi Qaydaların istənilən vaxt birtərəfli qaydada, öncədən xəbərdarlıq etmədən dəyişdirilməsi və ya yenilənməsi hüququnu özündə saxlayır.
