Dırnaqların vəziyyəti tək onlara olan yaxşı baxımın, bahalı qulluq vasitələrinin istifadəsinin nəticəsi deyil. Gözəl Dırnaqlar insanın ümumi sağlamlığının göstəricisidir. Bir çox hallarda onların vəziyyətinin pisləşməsi orqanizmdə olan çox ciddi pozulmaların simptomu ola bilər.

🔴 Bəzən insan dırnaqların kövrək olmasını, ovulmasını müşahidə edir. Bəli, bəzən bunun səbəbi ucuz dırnaq boyaları, dırnaqların tez-tez uzadılması, kimyəvi təmizlik vasitələri, soyuq havanın təsiri və s. ola bilər. Lakin daha ciddi səbəbləri də istisna etmək olmaz.

♻️ Bu səbəblər arasında:
1. Göbələk infeksiyası. Ən yayılmış səbəblərdən biridir. Bu infeksiyanı mütləq müalicə etmək lazımdır.

2. Düzgün olmayan qidalanma, vitamin-mineral çatışmazlığı. Qidalanmada zülalların, A, C, B qrupu, D vitaminlərinin, bir çox mineralların (kalsium, kremnium, sink, mis, selen və s.) çatışmazlığı dırnaqların sağlamlığına mənfi təsir edir, dırnaqları zəif, kövrək və ovulan edir.

3. Anemiya (qanazlığı) zamanı da dırnaqların vəziyyəti pisləşir - dırnaqlar gec uzanır, onların rəngi solğun olur, üzərində zolaqlar əmələ gəlir, dırnaqlar ovulur.

4. Qalxanvari vəzinin ifraz etdiyi hormonlar orqanizmin demək olar bütün orqan və sistemlərinə təsir edir. Bu səbəbdən qalxanvari vəzinin fəaliyyətində pozulmalar inkişaf etdikdə bu bütün orqanizmi "sıradan çıxardır". Hormonların ifrazının azalması o cümlədən dırnaqların vəziyyətinə də təsir edir. Dırnaqlar tutqun, kövrək olur, ovulur.

5. Şəkərli diabet zamanı da dırnaqlar kövrək və quru olur, laylanır, ovulur.

ℹ️ Dırnaq zəifliyi zamanı ilk öncə konsultasiya edərək səbəbi daxildən aşkarlayıb, sonra həmin problemə uyğun müalicə və ya profilaktika kursu təyin edirik. Ən əsası bu prosedurlar heç bir orqana ziyan vurmadan, tam təbii şəkildə həyata keçirilir.